Co cambio de hora Galicia aforrará un 1% no consumo de enerxía doméstica

O denominado “cambio de hora” comezou a xeneralizarse, aínda que de maneira desigual, a partir de 1974, cando se produciu a primeira crise do petróleo e algúns países decidiron adiantar os seus reloxos para poder aproveitar mellor a luz do sol e consumir menos electricidade en iluminación. Aplícase como directiva dende 1981 e foi renovada sucesivamente cada catro anos.

Para o Instituto Enerxético de Galicia (Inega), esta medida supón un aforro de consumo eléctrico doméstico do 1% chegando no resto do Estado español a acadar o 5%, o que equivale a 300 millóns de euros. Os fogares Galegos aforrarán 6 euros anuais e no sector servizos se chegará ao 3%, e dicir, máis de 6 millóns de euros.

10 CONSELLOS PARA AFORRAR ENERXÍA COA ILUMINACIÓN

1. Aproveite a luz natural.

2. Cando saia dunha habitación apague a luz.

3. Hai lámpadas que gastan moito menos que as incandescentes. Aforran ata un 80%.

4. A iluminación localizada aforra enerxía no resto da estancia da casa.

5. Utilice cores claras para decorar a súa casa. O ambiente é máis luminoso e necesita menos luces.

6. Limpe con regularidade as fontes de luz. A sociedade acumulada dificulta a correcta difusión.

7. Utilice reguladores electrónicos de fluxo para as alóxenas. Nos permiten adecuar o nivel luminoso a unha necesidade concreta.

8. Lembre os tubos fluorescentes. Especialmente indicados para baños, cociñas, trasteiros e garaxes.

9. Instale detectores de presenza nas zonas de paso. Activan e desactivan automaticamente a luz.

10. Elixa ben as súas bombillas de baixo consumo. Teña en conta as equivalencias de potencia:
100 vatios = 20 vatios
75 vatios = 15 vatios
60 vatios = 11 vatios
40 vatios = 9 vatios

Perigo de extinción en masa

A crecente acidez dos océanos ameaza con causar unha extinción en masas da fauna mariña, segundo expuxo a oceanógrafa do laboratorio Mariño de Plymouth, Carol Turley.

Segundo a científica dirixímonos cara a unha extinción en masa, debido ao cambio da composición oceánica, sendo esta a maior desde a era dos dinosauros. Turley, que presidirá unha das sesións da conferencia sobre o clima que se celebra esta semana en Copenhague, lembrou que desde a Revolución Industrial as emisións de dióxido de carbono (CO2) produto da actividade humana han incrementado nun 30 por cento o nivel de acidez dos océanos do planeta.

O nivel de acidez dos mares está no seu nivel máis alto dos últimos 500.000 anos, engadiu a científica. Estímase que ao redor dun 50 por cento do CO2 emitido pola queima de combustibles fósiles durante os últimos 200 anos foi absorbido polos mares, o que está a alterar de maneira significativa o pH da auga do mar e pon en perigo onda supervivencia de ecosistemas mariños.

O problema é especialmente grave no caso dos crustáceos e de especies como a estrela de mar, que podería desaparecer para finais do século XXI, segundo probas de laboratorio, se se mantén a tendencia actual de emisións contaminantes.

Progreso renovable

Cerca do 44% da electricidade que consumiu España o mes pasado proveu de fontes renovables. Segundo o observatorio da Electricidade, publicado por WWF confirma que as fontes renovables de enerxía produciron en febreiro o 43,8% da electricidade. A maior produción hidráulica respecto ao mesmo mes do ano ( 209%) e o aumento da xeración eólica respecto de febreiro do 2008 ( 56,5%) foron os principais responsables desta cifra.

Con estes datos poderíase dicir que España se atopa nunha situación privilexiada para cumprir co obxectivo de producir un 30% da súa electricidade con fontes renovables en 2010, demostrando a aposta española a longo prazo polas enerxías renovables ha dado o seu froito.

O 14,1% da electricidade que consumiu España en febreiro foi eólico; o 14,6% saíu das presas hidroeléctricas; o 15,1% tivo a súa orixe en parques solares fotovoltaicos, centrais de biomasa, instalacións minihidráulicas e de coxeneración; o 14,5% foi producido en centrais que queiman carbón; o 20,6%, en centrais que queiman gas (o 0,6%, en centrais de fuel); e o 20,5% da electricidade foi de orixe nuclear.

Os cidadáns máis eficientes mitigan o cambio climatico

Entre as accións que UGT-Galicia propón para ser máis eficientes co consumo de enerxía figuran:

1. Na súa casa ou oficina é altamente recomendable utilizar a luz natural tanto como sexa posible, acendendo os bombillos só cando realmente se lles necesita.

2. Cambiar as lámpadas incandescentes (lámpadas) por lámpadas fluorescentes compactas (de aforro de enerxía). Estas últimas proporcionan o mesmo nivel de iluminación, duran 8 veces máis e aforran até un 80% de enerxía.

3. Use tubos fluorescentes naqueles espazos nos que necesitas máis luz e onde permanece acendida moitas horas; por exemplo: na cociña ou unha sala de servizos no seu lugar de traballo. Os fluorescentes duran 8 ou10 veces máis e consomen o 80% menos de enerxía que as lámpadas incandescentes.

4. Se se ducha brevemente con auga quente, consumirá cinco veces menos auga e enerxía, que se o fai cun longo baño co chorro da auga aberto. Ademais, está demostrado que o seu consumo en xabón e shampoo diminuirá até tres veces do usual (sen comprometer en nada o seu aseo persoal). Lembre tamén que pode regular a temperatura do termo para non malgastar enerxía e prolongar a vida útil do equipo.

5. á hora de comprar un electrodoméstico, fíxese ben na información do fabricante e compare distintos aparellos e os seus niveis de consumo de electricidade. Elixa sempre o aparello máis adecuado ás súas necesidades. Se non ten nin idea diso, asesórese co provedor.

6. Ao usar a lavadora, procure sempre traballar coa carga completa de roupa. Así reducirá o consumo de auga, deterxente e enerxía, e alargará a vida do aparello. Para o seu coñecemento, unha lavadora funcionando con pouca roupa, utiliza case a mesma cantidade de enerxía que coa súa capacidade máxima.

7. Cando dispoña de aparellos manexados a control remoto, procure desconectar o interruptor do televisor, o sistema de vídeo ou o equipo de música. Está demostrado que se o apaga só co mando a distancia, algúns compoñentes destes aparellos seguen conectados e consumindo até o 80% do gasto enerxético normal.

8. Na súa oficina, manteña a impresora e o computador apagados cando non os use por espazos de tempo máis ou menos prolongados (p.e. xantares, noites e fins de semana). En relación a este último, moitos dos equipos modernos dispoñen de sistemas de aforro de enerxía que son facilmente activables e programables.

9. Lembre que ademais de aforrar enerxía, o seu comportamento cidadán estará a contribuír a diminuír a xeración de Dióxido de Carbono á atmosfera, co cal apoiará a mitigación do efecto invernadoiro.

10. Motive aos seus familiares e compañeiros de traballo a monitorear o consumo media de electricidade, publicando nun lugar visible o gráfico achegado polas empresas encargadas de prestar este servizo. Así poderá reforzar aqueles comportamentos que sexan ambientalmente responsables e corrixir algúns hábitos eco-ineficientes, que por descoñecemento, están a golpear os nosos petos.

En opinión de UGT-Galicia é imprescindible reducir a dependencia da nosa economía do petróleo e os combustibles fósiles. A ameaza do cambio climático global e outros problemas ambientais son moi serias, ademais que non podemos seguir baseando a nosa economía unicamente nunha fonte de enerxía finita e non renovable que algún día se esgotará.

A eficiencia enerxética exponse como un dos principais desafíos na xestión ambiental moderna, clave na mitigación do cambio climático. Os problemas ambientais comezan e terminan connosco mesmos, polo que debemos reflexionar sobre os nosos hábitos fronte ao uso sustentable e racional da enerxía, para que empresas, institucións, gobernos e a cidadanía en xeral, revisen os seus compromisos con respecto á utilización de tecnoloxías limpas e renovables.

Morte colectiva

Até 48 das preto de 200 baleas piloto que quedaron varadas durante esta madrugada no sur de Australia foron rescatadas pero 130 morreron afogadas. Voluntarios e expertos aproveitaron a marea alta para renovar as operacións de rescate na pequena illa de King, situada entre Tasmania e o continente australiano.

Con todo, non puideron facer nada para salvar a 130 dos cetáceos, aos que uns 150 residentes traballaron durante todo o día para manter hidratados. Membros do departamento local de Parques e Vida Salvaxe observarán nas próximas horas ás baleas rescatadas para impedir que volvan quedar atrapadas en augas pouco profundas. Os cetáceos e un grupo de seis ou sete golfiños empezaron a chegar onte á noite á praia da illa, ante a mirada atónita dalgúns residentes, que avisaron ás autoridades.

Desde finais de novembro, unhas 200 baleas morreron asfixiadas na illa de Tasmania e outras praias do sur de Australia. A finais de xaneiro, 53 cachalotes morreron varados na illa de Tasmania; e outras oitenta baleas piloto de aleta longa morreron na mesma illa en novembro pasado. Tamén en novembro, outras 65 baleas da mesma especie quedaron varadas noutra praia do sur de Australia e só once lograron volver mar dentro axudadas polas autoridades, ecoloxistas e voluntarios. Os científicos atribúen o fenómeno a que senten atraídas polo soar de grandes buques, ou ben seguen a un líder enfermo, sendo o home un posible culpable indirecto da traxedia.

Fonte EFE