¿Que respiran as cidades?

¿Onde van parar os restos de pneumático queimado nunha freada, ou das pastillas de freo; o po da escavación dunha obra ou da combustión das calefaccións? Acaban no aire. E, curiosamente, son as que máis afectan á saúde dos cidadáns. A razón é sinxela: estas partículas son tan diminutas que penetran polas vías respiratorias chegando até os pulmóns, as máis pequenas até os alvéolos, e poden provocar enfermidades pulmonares e cardíacas.

Teñen un diámetro inferior ás dez milésimas de milímetro e poden estar “suspendidas” no aire desde unhas horas a varios anos (dependendo das condicións climatolóxicas), como consta en informes da Consellería de Medio Ambiente. Son tan prexudiciais como as que tradicionalmente se consideran “partículas contaminantes”, é dicir, aquelas como o dióxido de xofre que procede das industrias.

Pois ben, Vigo é a segunda cidade galega na que se rexistran máis sustancias deste tipo no aire e onde se superou catorce veces o ano pasado a medida diaria normal. Aínda así, o limiar de alerta sitúase en 35, polo que non preocupa. Os expertos bautizáronas como “PM10” e a rede galega de calidade do aire, a primeira en España con certificado ISO, vixía estes niveis en Vigo. Desde setembro de 2008, unha nova estación recolle mostras do aire que respira Vigo e que se une á que á xa existente que unicamente mide o benceno.

¿Que se respira en Vigo? Os primeiros resultados da nova estación, e os máis actuais, mostran que na cidade non se exceden os limiares de alerta nin o número de superacións máxima dos materiais procedentes do tráfico ou a industria (dióxido de xofre, óxido de hidróxeno, monóxido de carbono ou ozono). Moitos destes limiares son mesmo inferiores aos doutras cidades como é A Coruña. é o que ocorre coa media anual de ozono troposférico e provoca irritación nos ollos, nariz e garganta nos sectores máis sensibles da poboación e danos na vexetación.

En Vigo rexístrase unha taxa de 19,61 unidades por metro cúbico e de 25,62 nas dúas estacións; mentres que en Pontevedra é de 46, de 50 en Ferrol e 29,8 na Coruña. Os PM10 e o ozono son os que mais preocupan nas cidades, o obxectivo fundamental é controlar as partículas mais pequenas, as PM2,5, xa que son as que penetran con maior facilidade nos pulmóns e que se orixinan nas obras, por trafico e mesmo o pole.

Fonte: Faro de Vigo