A UE retirará as lámpadas incandescentes de máis de 100 watts en 2012

Os países da UE aprobaron hoxe a retirada gradual de lámpadas incandescentes de máis de 100 watts de potencia a partir de 2009 até a súa desaparición total en 2012, tal como propuxera a Comisión Europea (CE).

O Executivo comunitario calcula que o cambio cara a dispositivos de iluminación eficientes suporá un aforro de case 40 teravatios hora e un recorte de quince millóns de toneladas de emisións de dióxido de carbono (CO2).

En termos económicos, a substitución de lámpadas suporá ao ano un aforro de até 50 euros por fogar ou de entre 5.000 e 10.000 millóns de euros en toda a UE.

Segundo as organizacións ecoloxistas, o consumo de lámpadas incandescentes é de tres a cinco veces superior ao das eficientes. A súa substitución contribuirá á redución do consumo de enerxía en iluminación nun 60%, o que equivale a uns 30 millóns de toneladas de dióxido de carbono ao ano.

O comité de expertos de países da UE que tomou esta decisión tivo en conta desde as expectativas do consumidor e os riscos para a saúde ata que a retirada fágase de maneira gradual para dar un tempo de adaptación aos fabricantes.