LOITA CONTRA O CAMBIO CO CAMBIO

Dúas semanas despois da súa elección, o 4 de novembro, como novo presidente de Estados Unidos, Barack Obama falou ante unha conferencia de gobernadores estadounidenses sobre o cambio climático. O presidente electo prometeu abrir un "novo capítulo" no liderado estadounidense. Dixo que as evidencias científicas son "indiscutibles", comprometeuse a aplicar drásticos recortes ás emisións de gases de efecto invernadoiro no seu país e asegurou que se implicará "vigorosamente" nas negociacións internacionais encamiñadas a alumar un novo acordo para reducir as emisións a nivel mundial.

Ao dirixirse aos delegados que se reunirán na cidade polaca de Poznan para avaliar os avances logrados na loita contra o cambio climático, o sucesor de George W. Bush dixo: "O seu traballo é de vital importancia para o planeta". Aínda que Obama non asumirá o cargo até o 20 de xaneiro, a súa mensaxe causa unha visible satisfacción a todos os movementos ecoloxista, xa que tras aguantar durante oito anos a un presidente visto como un home que actuaba con demasiada lentitude e que moitas veces se mostraba escéptico sobre as evidencias científicas do quecemento global.

Existen diferenzas políticas fundamentais entre Obama e a administración de George W. Bush. Destacando o compromiso asumido polo presidente electo de impulsar o establecemento dun sistema federal ?cap and trade?, onde se fixará un tope de emisións e a transferencia de dereitos de emisión entre axentes, ao que Bush opúxose durante moito tempo. Tal programa imporía topes obrigatorios ás emisións de gases daniñas para o clima e permitiría ás empresas menos contaminantes comerciar dereitos de emisión con outras que xeran máis contaminación.

Máis aló diso, Obama prometeu reducir as emisións no ano 2020 aos niveis de 1990 e recortalas nun outro 80 por cento para 2050. Desta maneira, Estados Unidos estaría a cumprir co que científicos da Organización das Nacións Unidas consideran necesario para atallar os peores efectos do quecemento global. Mentres que a comunidade internacional espera alcanzar un acordo definitivo para a loita contra o cambio climático nunha conferencia que se realizará a finais de 2009 en Copenhague, da capacidade de Obama de implementar os seus compromisos no seu propio país dependerá o éxito ou o fracaso da posición negociadora internacional de Estados Unidos. Os lexisladores demócratas prometeron presentar no Congreso dúas iniciativas que figuran entre as prioridades crave de Obama axiña que como o novo presidente asuma o cargo en xaneiro: destinar un investimento de 15.000 millóns de dólares anuais ao desenvolvemento de enerxías renovables e unha nova lexislación sobre "cap and trade". Con todo, os demócratas aínda admiten que un sistema "cap and trade" posiblemente non sexa adoptado até o ano 2010, á vez que a cuestión climática podería caer na lista de preocupacións como consecuencia dos esforzos que desenvolve Estados Unidos para evitar unha prolongada recesión económica.

Co obxectivo de mellorar o ambiente económico, Obama converteu os investimentos en alternativas verdes nun dos puntos crave dun novo paquete de incentivos fiscais que espera sexa aprobado en xaneiro e que, segundo promete, creará cinco millóns de novos "empregos verdes". Obama insistiu na necesidade de que países emerxentes como China e a India acheguen a súa contribución á redución das emisións globais. O senador demócrata John Kerry, quen encabezará unha delegación á conferencia de Poznan, deixou aberta a posibilidade de impor sancións comerciais a aqueles países que non acepten contribuír á redución das emisións globais.

Co obxectivo de mellorar o ambiente económico, Obama converteu os investimentos en alternativas verdes nun dos puntos crave dun novo paquete de incentivos fiscais que espera sexa aprobado en xaneiro e que, segundo promete, creará cinco millóns de novos "empregos verdes". Tamén insiste na necesidade de que países emerxentes como China e a India acheguen a súa contribución á redución das emisións globais e deixouse aberta a posibilidade de impor sancións comerciais a aqueles países que non acepten contribuír á redución das emisións globais. Ao mesmo tempo, recoñeceuse que o financiamento por parte de Estados Unidos dos recortes das emisións -unha das principais demandas dos países en vías de desenvolvemento- podería verse limitada a curto prazo dada a actual crise económica. Aínda así, os grupos ecoloxistas están convencidos de que un goberno estadounidense que asuma novos compromisos só pode axudar a sacar adiante as conversacións sobre o cambio climático global. "Unha mensaxe moi importante que vou levar a Poznan é que Estados Unidos está outra vez presente", dixo Kerry.