Esperanzas con Obama

O presidente estadounidense, Barack Obama terá, entre outras prioridades, que renovar cos seus socios as negociacións sobre o clima para influír nun novo acordo multilateral contra o quecemento global que debería pecharse en decembro de 2009 en Copenhague. A comunidade internacional espera con impaciencia que Estados Unidos asuma o seu papel no diálogo. Con todo, a administración Bush, que rexeitou o Protocolo de Kioto sobre redución de emisións de CO2 por consideralo prexudicial para a súa economía, estará á fronte da delegación estadounidense no próximo encontro da ONU sobre o clima, do 1 ao 12 de decembro en Poznan (Polonia). Con todo, o novo goberno enviará previsiblemente un equipo.

Barack Obama apoiou un obxectivo para Estados Unidos de redución de emisións do 80% en 2050 respecto de 1990, que propón alcanzar poxando a totalidade das toneladas de C02 emitidas pola industria. A plena implicación de Washington nas negociacións internacionais sobre o clima podería facerse esperar, máis aínda tendo en conta que farán falta seis meses para a formación da nova administración. De aí a idea europea de convocar, unha conferencia ministerial a metade de 2009. En varios lugares do mundo, ca esperanza que Estados Unidos vai regresar e participe activamente, pero será un proceso difícil.