Dia Mundial do Medio Ambiente

Hoxe 5 de xuño celébrase o Día Mundial do Medio Ambiente. O lema elexido pola ONU para este ano é "O teu planeta necesitate, unido para combater o cambio climático". Dende UGT-Galicia unímonos a este chamamento, xa que creemos que é necesaria a contribución de todos os axentes e sectores sociais para acadar un desenvolvemento sostible e socialmente responsable.

Dende UGT-Galicia temos un compromiso firme ca defensa e a transformación do modelo productivo cara pautas máis respetuosas co medio ambiente.

Apostamos pola introducción de cambios no modelo urbanístico, na mobilidade, no sistema de producción, de consumo e no modelo enerxético, cambios sen os cales non será posible abordar eficazmente a loita contra oa cambio climático e que ademáis permitirán canalizar medidas de cara a frontar a actual crise a curto prazo.

Neste día, tampouco nos queremos esquecer da gran riqueza natural que temos na nosa comunidade. Riqueza que temos que conservar e xestionar para que as xeracións vindeiras poidan disfrutar dela e sobre a que é necesario incentivar a creación de emprego en base a un modelo sustentable.