O visón americano xa está por toda Galicia e ameaza as aves acuáticas

A presenza e as soltas de visón americano en Galicia, é un perigo para as aves acuáticas, como se reflectiu no parque nacional das Illas Atlánticas. Esta especie da que se documentou unha alimentación a base de crustáceos, peixes, anfibios e pequenos mamíferos, nadou mesmo até illas e illotes do note e sur galaico, onde se fixo graves impactos sobre colonias de aves acuáticas, como o corvo mariño moñudo especie protexida. O visón americano ocupa actualmente en galicia gran cantidade de ecosistemas acuáticos e semiacuáticos, son perseguidos hai anos pero é unha tarefa case imposible erradicalos, xa que ademais de ser grandes nadadores, as súas camadas son máis numerosas que as da especie europea e a maioría destes proveñen da solta deliberada procedentes de granxas de peletería por grupos autodenominados "de liberación animal".

O visón americano leva 40 anos de expansión en Galicia unha vez que o introduciron as granxas peleteras, onde ás veces se produciron fugas masivas. Nun informe de 1991, os biólogos Munilla, Romeu e Joaquín Giménez de Azcárate detectaron o mustélido invasor en áreas do suroeste de Pontevedra, e sinais nos ríos Caselas, Miñor, no río Xuvia e en varios da Terra Chá luguesa. No Mero, conca baixa do Miño e tramo inferior do Lérez era frecuente velos e recolleron testemuños de observacións frecuentes en Pontedeume, Noia, Padrón, Oza dos Ríos, Gondomar, A Guarda, Ponteareas, Vila de Cruces ou Monteporreiro. Aos núcleos estables nos ríos Tea, Lérez e Almofrei uníanse os da península do Morrazo.