O creador del termo “quecemento global”, premiado

O coñecido investigador estadounidense Wallace Broecker foi galardoado co premio da Fundación BBVA Fronteiras do Coñecemento na súa categoría de Cambio Climático. Broecker predixo fai máis de tres décadas as existencias dun quecemento global debido á acción humana, en 1975 público o articulo titulado Cambio climático: Estamos ao bordo dun quecemento global pronunciado?, onde predicía o incremento de emisións de CO2 e a diminución de capacidade dos océanos en absorber o exceso de carbono propondo por primeira vez o termino quecemento Global.
A decisión de premiar a Broecher foi tomada entre un elenco de 33 candidaturas de numerosos países, de científicos multidisciplinares que investigan o medio ambiente e as múltiples vertentes do cambio climático.
Broecker achegou as evidencias do papel do océano na concentración de carbono na atmosfera; puxo en marcha a metodoloxía para coñecer a concentración de CO2 nos mares; recolleu os rexistros paleoclimáticos mariños e o papel que xogaron nas eras glaciais e interglaciares; descubrindo os cambios abruptos que moven o sistema climático.
Nada máis coñecer a noticia do premio, dotado con 400.000 euros, mostrou a súa satisfacción. «Teño 77 anos e un salario decente, e vivo de forma sinxela. Non teño gustos caros nos que podería gastar o diñeiro. Penso que o diñeiro investido en ciencia a través de fundacións pode ter grandes vantaxes», sinalou desde Nova York. O montante económico do seu último premio doouno recentemente nun 90% a unha fundación científica.